အကြော်တစ်ခု
မိသားစုနဲ့ဝေးပြီး
တာဝန်ပေးတဲ့ဆီသွားနေရတာ
စိတ်ဆင်းရဲစရာတစ်ခုပါ
လစာကမလောက်မင
ကြောက်လိုက်ရတာကလည်းစုံလို့
အော်ဒါနဲ့-
ဟိုနေ့ကစာလာတယ်
ဖေဖေရယ်....အဆင်ပြေရင်ပို့လိုက်ပါအုံးတဲ့
အပြန်ပြန်ဖတ်ကြည့်
ရင်ထဲမှာမချိ
လက်ထဲမှာလည်းငွေမရှိ
လစာက ငါးသောင်းကျော်
လကုန်လို့မှမမော်ရဲ
ဟိုဆိုင်မှာဆီကြွေးကဘယ်လောက်
ဒီစားသောက်ဆိုင်မှာက ဘယ်ဒင်း
ဂါလိုက်ရတာကဘယ်ကဲ့သို့
ဒါတွေကိုစုပေါင်း
ငါးသောင်းကျော်နဲ့အင်အားပြိုင်
နိုင်တာက ထမင်းဖိုးသာသာ
ဘယ်မှာလာပို့နိုင်တော့မှာလည်း
ကိုယ့်အထုပ်ကိုဖြေပြ
ရှက်လည်းရှက်လှပါပေါ့
ကံကိုသာအကြောင်းပြုလို့
သမီးရေ.....
အကြော်တစ်ခု သုံးယောက်သာလုကြပေတော့
ဖေသစ်
( ၂၀၁၀ ခုနှစ်က ဖေဖေ့ရဲ့ ခံစားချက် ကဗျာလေးပါ။
အဖေများနေ့အမှတ်တရပေါ့။ ဖေဖေကျန်းမာပျော်ရွှင်ပါစေ။)
No comments:
Post a Comment